مـــــــــــــــــــــوسوعه تنضيف البشره

بسم الله الرحمن الرحيم

ملف وصفات للجسم .. ازالة السواد .. تنظيف وتقشير .. ترطيب .. شد .. بمواد طبيعية @

جسمك محتاج لعنايه منك حتى يحافظ على نعومته وشبابه .. يعني مايكفي انك تعتني بوجهك وتتركي جسمك لا.
لازم تداومي على تقشيره وصنفرته وترطيبه علشان يحافظ على حيوته ومرونته وبالتالي يقاوم التشققات اللي تظهر بعد السمنه المفاجئه او الحمل وغيره ... وطبعا لاغنى عن التغذيه الصحيه اللي لها الاثر الكبير في صحة الجلد وشبابه وكذالك الرياضه .

وهذا ملف يشمل :

ازالة السواد من بعض المناطق

التنظيف والتقشير

الوصفات الخاصه بشد الجسم وتجميله وتطهيره

الترطيب

والمواد المستخدمه طبيعيه وتقدرين تعملينها في البيت ..

# اولا: ازالة السواد من بعض المناطق :

طبعا فيه كثيير خلطات للسواد لكن انا اخترت افضل شي :

1/ وضع زيت زيتون على المنطقه السوداء سواء الركبه او الكوع او غيره وفركه بنصف ليمونه مغطسه بملح ناعم ..... او

2/ فرك المنطقه بنصف ليمونه مغطسه في بيكربونات الصوديوم ....... او

3/ كميات متساويه من : الليمون ، خل التفاح ، ماء الورد . اخلطيهم وادهنيهم على المنطقه ..

**طبعا الخلطات هذي قبل الحمام .... اذا تبغي نتيجه سريعه استخدمي بعد الحمام :
** ادهني المناطق السوداء بالجلسرين مع الليمون ...
او تدهنيهم بزيت الورد .. طبعا كل يوم بعد الحمام وقبل ماتنامي .. وفي الصباح اغسليهم

# ثانيا : التقشير

اختارو احدى هذي الوصفات او جربي كل مره وحده منهم فكلهم ممتازين

1 / الوصفه الاولى

اخلطي كميات متساويه من الليمون ، زيت الزيتون ، ملح ناعم ، سكر خشن
ادهني جسمك فيهم وخليكي ساعه او نصف ساعه على الاقل .. في حمام مليء بالبخار
بعد كذا افركي جسمك وشوفي الاوساخ اللي بتطلع ..... وامسحي جسمك بفوطه قديمه ..
بعد كذا اغسلي جسمك بماء دافي وجل الاستحمام او الصنفره وافركيه بالليفه ..واغسليه
بتحسي بنعووووومه ولانعومة الاطفال من اول مره تستخدميها
ومع كثرة الاستخدام بيتفتح لون الجسم وبيصير كله لون واحد
صدقوني رهيييبه الوصفه هذي ومجربه ..

2/ الوصفه الثانيه

المقادير

ملعقة فكس

ملعقة جلسوليد

.ملعقة زيت اللوز الحلو

ربع كأس مبشور صابون الغار الطبيعي

ملعقتين قشر برتقال مطحون (تجفف القشور وتطحن )

ملعقتين شوفان كويكر(مطحون)

كأس ماء بقدونس

ربع الكأس عصير ليمون

الطريقة:

نغلي ماء البقدونس ثم نضع الصابون المبشور والكريمات ثم الشوفان وقشر البرتقال
توضع الكمية في الثلاجة ويؤخذ القدار الذي يكفي لتقشير الجسم.

الإستخدام :

في حمام مليء بالبخار يدهن الجسم بهذا المقشر وبعد عشر دقائق يقشر براحة اليد بحركة دائرية بعد ذلك يغسل الجسم بالماء وجل الاستحمام ..

النتيجة المرجوة توحيد لون الجسم وتبييضه وإزالة الجلد الميت منه وتنعيمه ...
يستخدم مرتين بالأسبوع

*** ضروري يابنات الاستمراااار على هذي الوصفات علشان تبان عندك النتايج المبهره .

# ثالثا : الوصفات الخاصه بتطهير الجسم وشده وجماله : (تكون بعد الاستحمام )

1/ املي البانيو مويه واضيفي عليه ملعقة او ملعقتين خل تفاح وشوية ماء ورد... واسترخي فيه

بعدين خليكي تحت الدوش وافتحي المويه البارده ... ياسلاااام انتعااااش وحيويه
..هذ الوصفه.. لها عدة فوائد : مثل تطهير الجسم وتعقيمه وازالة رائحة العرق الغير مستحبه، وكمان خل التفاح يشد الجسم وخصوصا الصدر ، ويساعد في تفيح لون الجسم مع الاستمرار ...

2 / املي البانيو مويه بارده وحطي عليه ثلاث فناجيل نشاء الذره وشوية ماء ورد ... واسترخي فيه .. بعد كذا افتحي الدوش على المويه البااارده ..
فايدة النشاء انه يشد البشره ويقفل المسام وكذالك يطهر الجسم من رائحة العرق ويعطيكي نعووووووومه فائقه
ويهدي البشره المتعبه ويريحها ... وغيره .. وغيره .

رابعا : ترطيب الجسم :

** مهم بعد الاستحمام وبعد ماتجففي جسمك رشيه بموية الورد (جيبي بخاخ المويه وعبيه ماء ورد ) وبعد مايجف استخدمي المرطب اللي تحبي

1/ زيت اللوز الحلو : مفيد جدا في شد الجلد واكسابه المرونه .. يستخدم في عمل مساج للجلد

2/ زبدة الكاكاو (علبه كامله ) ، نصف علبه جلسوليد ، زيت لوز حلو
اخلطيهم مع بعض وادهني فيهم جسمك بعد الحمام ..
هذى المرطب ثقيل شوي لذلك ينفع بعد ماتعملي تقشير لجسمك .. فهو يعطيك نعوووومه وليووونه ويوحد لون الجسم ...
اذا حابه تحطيه قبل الحمام اضيفي عليه عصير ليمونه وحطيه في الليل وفي الصباح استحمي

3/ اذا حابه المرطب يكون خفيف فيه اشكال وانواع من الكريمات المرطبه الخاصه بالجسم ...اختاري اللي يعجبك ..من كريمات من ماركه اسمها سويس فورمولا كويسه ورخيصه ومتوفره
او جونسن اند جونسن او نتروجينا ........وغيره

بنات من ذو سنه اخذه هذي الوصفه استخدمته شهره تجنن وتركتها الانه يبغى لها وقت ورواقه بس تراه تجنن لاتخلونها استعملوها والله كلن يقولي يحلو ريحت جسمك

راح اجيب لكم من وحده كتبته في منتدى
بس انا مجربتها

- الأدوات المطلوبـــــــــه :

- بودي سكراب ( مقشر ) اي نوع انا افضل لوريال او البودي شوب( السكراب مهم جدا لتنظيف البشره من الشوائب والدهون وتجهيزها لاستقبال اللوشن وتثبيت ريحه العود ) السكراب اللي ماتعرفه ماده ندهن فيها الجسم لتنعيمه وتقشيره اثناء الحمام وممكن يبيض مع الاستمرار وموجود بكل مكان قولو للبايعه ( بودي سكراب )

- لوشن جسم اي نوع( جونسن .. نيفيا )

- مجموعه البودي شوب ( تنباع في محلات البودي شوب ) اللي بالورد :
- شور جل + لوشن + الليفه + زيت الورد + بخاخ البودي ميست

( اذا ماتحبين الورد ممكن مجموعه ثانيه من اي ماركه .. او مجموعه عطرك الفرنسي .. بس المهم مجموعه تتكون من: ( لوشن - عطر - شور جل )
- ليفه البودي شوب او اي نوع

- سكراب ( مقشر ) مناسب للوجه + غسول للوجه

- حمام زيت للشعر

- فحم ومدخن طبعا

- دهن عود كمبودي

- بخاخ من سيد جنيد أو اجمل او القرشي اللي تحبينه

- ممكن بودرة جسم ( بس ماحبها تنشف واستخدمها بالصيف فقط )

- عود اجمل اسمه ( عود مبخر ) اوالقرشي ( عود معطر ملكي ) او اي عود عندك

- بخور الحجاز او الراقيه من ( الرصاصي ) او اي بخور تفضلينه

- الثياب اللي راح تلبسينها ملابسك الداخليه والعاديه ( قبل الشور ترشينها بالمخلط البخاخ سيد جنيد او اجمل.... + عطرك ) وعلقيهم داخل الكبت وحطي المدخن وعليه الفحم والعود+ نتفه صغيره من البخور وسكري كل المنافذ بالكبت علشان تمسك الريحه بثيابك ولا تطلعينهم الا لما تلبسينهم ( هذي الطريقه تخلي ريحه العود ثاااااااااابته ).

- الطريقــــــــــــــــــــــة :

- نحط بالشعر حمام كريم عشان يستفيد الشعر منه قبل ساعه
- ندهن الجسم باي لوشن اوكريم وندلكه بقوه على الجسم عشان يتشربه قبل ساعه من الحمام

- ندخــــــــــــل الحمــــــــــــــــــــام:-

-الشعر خلوة ااااااااااااااخر شي .. لانه مهم الجسم مايجي عليه ماي ولا نقطه .

- وناخذ البودي سكراب ( المقشر وانا افضل البودي شوب لان الانواع الثانيه ماراح تعطيكم نفس النعومه والتقشير حق البودي شوب ) حق الجسم انا استخدم البودي شوب اللي بالجوز او جوز الهند .. او زيت الزيتون .. كيفكم المهم .. انتبهووووووووووواااااا حطوة بدون ماتبللون جسمكم باي نقطه ماي ولانقطه ( هنا سر المهنه ) افركوا على الناشف بحركات دائريه لحد ماتحسين ان البشره نشف منها المقشر وبدا يتفتت .. بعدين رشي شوي ماي على جسمك وابداي افركي بيدك بحركات دائرية لحد مايصير كريمي شوي.. وبعدين البسي القفازات الليفه اللي على شكل كفوف حق البودي شوب او اي نوع وافركي عدل ..بعدين اغسلي جسمك بماي دافي وحطي الشور جل واغسلي جسمك بالماي مرة ثانيه .

-(((((( ملاحظه )))))) :

اذا بتستخدمين لوريال او اي ماركه غير البودي شوب ممكن تبللين جسمك قبل المقشر .... لكن (( فقط )) ماركة (( البودي شوب )) اللي ممكن تحطينه على الناشف لانه ماراح يجرح الجسم لاحتوائه على نسبه زيوت كبيره ولذلك ماتحتاج ترطيب بالماي لما نقشر.. وبصراحه هو الوحيد اللي فعلا ينعم وينظف الجسم.

- اغسلي شعرك بالشامبو والبلسم يعني طريقتك العاديه وارفعيه علشان يظل نظيف .

- افركي وجهك بالسكراب المناسب + صابون سائل الوجه اخلطيه مع بعض ( انا استخدم اللي ضد البثور يعني حطي الصابون مع السكراب وافركي بشويش وجهك واغسلي ).

- نطلع من الحمام ونلبس الروب .. اولا ناخذ اللوشن حق الورد ونخلط معاة نقاط من زيت الورد نحط شووووووووووي .. ونفرك الجسم عدللللللللل كنك تدلكين جسمك عشان يشرب اللوشن ( الخطوة هذي مهمه جدا لتثبيت رائحه العود ) .. بعدين نرش بخاخ الورد من نفس المجموعه.. ونوزع دهن العود على مناطق الجسم كلها والشعر .. ونرش بخاخ سيد جنيد على الجسم او اي بخاخ تحبينه .. وعلى طول نتدخن بالعود ولاتنسين شعرك وهومبلل تدخنينه ولما ينشف وتسشورينه دخنيه مرة ثانية.. ( اضمن لك ريحة شعرك تظل حلوة )

- طلعي ثيابك( اللي كانوا بالكبت ومدخنتهم ) وتدخني لاخر مرة وحطي بخه من عطرك المفضل ...

جربو راح تدعولي مـــــــــــــــــــــوسوعه تنضيف البشره Sm199

مـــــــــــــــــــــوسوعه تنضيف البشره Sm199

كيفيت المساج للوجه

اضغط هنا

» خلطة لتبييض البشره خلال 3 أياام