جايبلكم رسالة ...... رسالة خاصة " عرض خاص "

[size=25][b]السلام عليكم و رحمة الله و بركاته

من غير مقدمات ولا شيء

أنا جايبلك رسالة

أيوة بجد جايبلك رسالة

و من مين ؟

مش هتتخيل

طبعا احنا عارفين كلما ما كان مرسل الرسالة عزيز عليا كلما كان تلهفي و شوقي لقراءة الرسالة أكبر و أكبر

و أول حاجة بنشوفها نشوف مين المرسل
و لو المرسل عزيز علينا ممكن نقرأ الرسالة مرة و اتنين و عشرة

صح ؟
طيب

جهز نفسك بقى و استعد

بس فكر انت عاوز الرسالة دي تكون من مين ؟

جايبلك رسالة مضمونها هيفرحك جدا

و لما تعرف المرسل مين كمان هتفرح أكتر و أكتر

بس على فكرة

قبل ما أقولك مين المرسل أحب أعرفك ان فيه واسطة و الواسطة دي شخص انت بتحبه جدا

الرسالة عبارة عن

حديث قدسي

يعني المرسل هو

:::::::: الله عز وجل ::::::::

[/b][/size]

و الواسطة هو النبي صلى الله عليه و سلم

ركز معايا

عن أنس - رضي الله عنه - قال :
سمعتُ رسولَ اللهِ - صلى الله عليه وسلم - يقولُ :

(( قَالَ اللهُ تَعَالَى: يَا ابْنَ آدَمَ، إنَّكَ مَا دَعَوْتَنِي وَرَجَوْتَنِي غَفَرْتُ لكَ عَلَى مَا كَانَ مِنْكَ وَلاَ أُبَالِي ، يَا ابْنَ آدَمَ ، لَوْ بَلَغَتْ ذُنُوبُكَ عَنَانَ السَّمَاءِ ، ثُمَّ اسْتَغْفَرْتَنِي ، غَفَرْتُ لَكَ وَلاَ أُبَالِي ، يا ابْنَ آدَمَ ، إنَّكَ لَوْ أَتَيْتَنِي بِقُرَابِ الأَرْضِ خَطَايَا ، ثُمَّ لَقِيتَنِي لا تُشْرِكُ بِي شَيْئاً ، لأَتَيْتُكَ بِقُرابِهَا مَغْفِرَةً ))

معلش بس ليا طلب

اطلع تاني فوق شوية كدة و اقرأ الحديث مرة كمان بتمهل و تمعن

يا سلالالالام

شوف سعة رحمة الله و سعة مغفرته و المطلوب منك أشياء بسيطة جدا

حتى لو كانت ذنوبك تملأ ما بين السماوات و الأرض مهما فعلت يدعوك الله ليغفر لك ذنوبك

لا مش كدة بس

ربنا بينادي عليك بيقولك يا ابن آدم

يااااااااااااااااه

مستني ايه ؟

الإنسان لما يحب يهرب من شئ يجري منه أما إن أراد أن يفر من الله فلا بد له أن يفر إليه فال تعالى : "فَفِرُّوا إِلَى اللَّهِ "

يا ترى ناوي تقوله ايه ؟

مستني ايه ؟

عاوز بعد كدة ايه ؟

نشوف كلام العلماء في شرح الحديث انتقيت لكم بعض الفوائد :

- ان الله يغفر كل شيء إذا تاب الإنسان لربه بما في ذلك الشرك.

- واعلم أن للتوبة ثلاثة شروط :

1. الإقلاع عن المعصية

2. الندم على ما فات

3. العزم على أن لا يعود

وإن كانت حق آدمي فليبادر بأداء الحق إليه والتحلل منه
وإن كانت بينه وبين الله تعالى وفيها كفارة فلا بد من فعل الكفارة وهذا شرط رابع فلو فعل الإنسان مثل هذا في اليوم مرارا وتاب التوبة بشروطها فإن الله يغفر له

- ان حصول المغفرة يكون بهذه الأسباب الثلاثة :

1. الدعاء مع الرجاء

2. والاستغفار

3. والتوحيد وهو السبب الأعظم ومن جاء به فقد جاء بأعظم أسباب المغفرة .

-وقوله [ يا ابن آدم إنك ما دعوتني ورجوتني ] هذا موافق لقوله

[ أنا عند ظن عبدى بي فليظن بي ما شاء ]

-الدعاء مأمور به ، وموعود عليه بالإجابة .
قال تعالى ( وَقَالَ رَبُّكُمُ ادْعُونِي أَسْتَجِبْ لَكُمْ )

ولا ينبغي أن يستعجل الإجابة . قال
(( يُــستجاب لأحدكم ما لم يعجل يقول دعوت فلم يُـستَـجب لي ) متفق عليه

-وللاستغفار فوائد :
أولاً : تكفير السيئات ورفع الدرجات .

قال تعالى ( وَمَن يَعْمَلْ سُوءاً أَوْ يَظْلِمْ نَفْسَهُ ثُمَّ يَسْتَغْفِرِ اللّهَ يَجِدِ اللّهَ غَفُوراً رَّحِيماً )

و في الحديث القدسي
( قال الله من يَـستغفرني فأغفر له .. ) متفق عليه ..

ثانياً : سبب لسعة الرزق والإمداد بالمال والبنين .

ثالثاً : سبب لحصول القوة في البدن .

قال هود لقومه ( وَيَا قَوْمِ اسْتَغْفِرُواْ رَبَّكُمْ ثُمَّ تُوبُواْ إِلَيْهِ يُرْسِلِ السَّمَاء عَلَيْكُم مِّدْرَاراً وَيَزِدْكُمْ قُوَّةً إِلَى قُوَّتِكُمْ وَلاَ تَتَوَلَّوْاْ مُجْرِمِينَ ) .

رابعاً : سبب لدفع المصائب ورفع البلايا .
- فضل التوحيد :
أولاً : سبب لمغفرة الذنوب .

ثانياً : سبب للنجاة من الشدائد .

قال تعالى
( فَإِذَا رَكِبُوا فِي الْفُلْكِ دَعَوُا اللَّهَ مُخْلِصِينَ لَهُ الدِّينَ فَلَمَّا نَجَّاهُمْ إِلَى الْبَرِّ إِذَا هُمْ يُشْرِكُونَ.

ثالثاً : سبب لدخول الجنة .
نرجع تاني

ناوي على ايه ؟

عاوز تعصي ربنا تاني ؟

لو كانت حجتك انك عصيته كتير قبل كدة خلاص مفيش حجة دلوقتي

الحق العرض قبل فوات الأوان

ايوة أنا قاصد الكلمة دي قبل فوات الأوان

قبل ما تضطر تتوب غصب عنك

قبل ما ربنا يسلب منك النعم فتتوب لأنك مش قادر تعصيه

قبل ما ملك الموت يزورك

قبل أن تطلع الشمس من مغربها

هتتوب امتى ؟

مفيش حجة ليك خلاص

بس خلي بالك من شروط التوبة زي ما قولناها فوق
خليك شجاع
قول يا رب هأحافظ على الصلاة في مواعيدها من هنا و رايح اغفر لي يا رب

قول يا رب أنا تبت من سماع الأغاني و مش هأسمع أغاني تاني اغفر لي يا رب

قولي يا رب أنا مش هأمشي مع شباب تاني و مش هألبس ملابس ضيقة تاني قولي يا رب هألتزم بالحجاب الشرعي خلاص اغفر لي يا رب

قول مش هأطلق بصري تاني اغفر لي يا رب
قول يا رب مش هأشوف الصور الحرام تاني اغفر لي يا رب

قول يا رب مش هأقبض رشوة و مش هأخد ربا تاني يا رب اغفر لي يا رب

قول يا رب مش هأغتاب حد تاني اغفر لي يا رب

قول مش هأعصيك تاني يا رب و مش هأساعد بيحاول يعصيك يا رب اغفر لي يا رب

قول مش هأقف مع بنات من غير محارمي تاني اغفر لي يا رب

قول يا رب انا هأصبر على الطاعة و مش هأعصيك تاني خلاص اغفر لي يا رب

قول يا رب أنا مسلم

يا رب أنا هأصحى من غفلتي

اغفر لي يا رب

دلوقتي قولي و قوليلي ناويين على ايه ؟

خلاص و لا ؟

هتتوب امتى ؟

مستني الرد العملي

جزاك الله خيرا
وشكرالك